政情：公民講場：酒店派對疫爆不停 陳肇始行動仲係零

儘管實施社交限制，惟本港疫情一直未能「清零」。食物及衞生局局長陳肇始就指，多宗本地個案涉及酒店度假（Staycation），呼籲市民應考慮避免，又指若持續有相關個案，唔排除會研究修例規管喎。其實十幾廿人到酒店房間開派對嘅消息，坊間屢有所聞，日前亦有醫學界議員引述衞生防護中心資料，指近期嘅確診者逾半數入住過酒店，可見Staycation已經成為防疫措施嘅漏洞，若果政府唔想辦法監管有關情況，爆發第4波疫情就唔係危言聳聽啦。