中環出更：快速測試結果等成日 議員鬧爆
政府近日繼續推出同研究出入境管制站嘅快速測試，但多名議員尋日喺立法會上，批評政府應對疫情反應慢同做得差，更指市民喺機場等候快速測試嘅時間太長，質疑政府誤導立法會。
話說政府於上月計劃研究，喺機場引入快速核酸檢測，食物及衞生局局長陳肇始喺立法會回應議員質詢時，指上個月底本港機場開始試行快速測試檢測計劃，測試新嘅核酸檢測技術（RT-LAMP），為期兩星期，又指當局會視乎所收集嘅數據，先至再考慮是否要延長測試。至於4間檢測中心會否採用新嘅檢測技術，陳肇始則指技術仍在測試中，中心會繼續沿用現有嘅檢測方法。
斥遲遲未搞健康碼
議員張華峰直斥，政府應對新冠狀病毒疫情反應慢，唔少抗疫措施只聞樓梯響，未能實施，又斥政府遲遲未實施「健康碼」。議員黃碧雲指有市民在機場接受快速測試，但需要等待近一日先至獲得結果，直斥陳肇始講大話、誤導立法會。
卓妮