儘管全城聲討，然而殘酷對待動物嘅案件，近來可謂無日無之，而變態兇徒嘅下手目標，已經不限城中貓狗或野鴿，就連棲息於郊區嘅野豬亦遭逢毒手慘被砍殺，身首異處，雖然警方加緊追緝，然而關注動物權益嘅市民都慨嘆，虐待動物嘅兇徒就算被拘捕歸案，律政司司長鄭若驊往往都會網開一面，不予起訴，既然毋須負上任何代價，殘害動物嘅歪風又何以得到遏止呢？
