政情：有相為證：曾遭黑暴破壞 立會展品歸位
舊年7月1日立法會遭示威者闖入，大肆破壞大樓內部設施，就連擺放喺地下樓層嘅立法會展覽物件亦難逃一劫。事隔一年有多，本報記者發現立法會大樓地下出現一啲包住紙皮嘅展板同展覽物件，仲見到兩張大主席嘅座椅放咗喺角落，似乎要重新歸位喇喎！
內容料有變動
立法會秘書處指原先嘅展板主要介紹立法會工作、議員、歷史，多數畀公眾、學生團體等導賞。自從舊年被破壞後，展板於近日開始重新設置同組裝，不過內容就可能會有更新同變動，預計成個工程要幾個星期先至完工。至於嗰兩張主席座椅放嘅位置，就暫時未有定案。