政情：康文署推介話劇粗口橫飛 謝偉銓斥教壞細路

Tony早前接獲市民投訴，發現近年愈嚟愈多話劇充斥粗言穢語同其他不良意識，唔單止無王管，康文署仲要將有關話劇列入「高中生藝術新體驗計劃」，推介學生欣賞，買飛仲可以享有半價優惠。即使話劇宣傳品寫有「本劇含粗俗用語」，但同時又話適合6歲或以上人士觀看，真係認真離譜啊！

應參考電影分級 制訂指引

佢認為話劇現時係無王管，導致充斥住不良意識，例如鼓吹反中、反政府、仇警內容，甚至用嚟作為賣點。佢強調藝術創作自由絕對值得尊重，但康文署萬萬唔可以任由話劇荼毒青少年，以及助長粗口文化。佢已經去信民政事務局局長徐英偉，要求局方解釋推介相關話劇嘅原因，同時建議參考電影分級制度，為話劇制訂相關準則同指引。