政府早前話要喺3年內提供一萬個過渡性房屋，仲話因為已經搵到足夠土地，會再增加5,000個單位，聽落就好似回應咗社會訴求，但其實都係一貫嘅閉門造車，譬如運輸及房屋局上個月話邀請某慈善團體參與籌建，打鼓嶺「昇平學校」舊址興建過渡性房屋嘅計劃，然而該計劃並無諮詢當地居民意見，又忽略該區交通配套不足嘅事實，將來過渡性房屋一旦入伙，今日已不勝負荷嘅交通運輸恐怕更加惡化，新遷戶同舊戶只會苦不堪言，究竟運房局局長陳帆諗緊啲咩？
