疫情未受控，再加上政府冇第3期保就業計劃，旅遊業爆煲！有部分規模大啲嘅旅行社就推停薪留職，業界估計好多細規模嘅旅行社喺12月前就會結業，要求政府畀津貼旅行社，而業界亦搵緊出路，建議恢復郵輪，最多係海上遊唔上岸，但商務及經濟發展局局長邱騰華完全冇反應。停薪留職變相係失業，若果大量旅行社結業，就會湧現大批失業大軍，政府係咪繼續嗌窮撳住荷包，見死不救吖？
