政府講明冇第三輪保就業計劃，旅遊界估計過多一兩個月旅行社會大裁員，嗌晒救命叫政府盡快推出健康碼同通關，但呢排仲有源頭不明個案，有顧問專家就話政府同市民想通關嘅話，現階段防疫措施不宜「放得太鬆手」，仲要慎防「走漏」輸入個案添！即係覺得通關對疫情唔多樂觀喇！究竟喺保飯碗同防疫之間點平衡呢？好似推健康碼又死，唔推又死，唔該創新及科技局局長薛永恒諗清諗楚先好做決定呀！
