政情：公民講場：集體負責變全不負責 行會召集人扮局外人

行政會議召集人陳智思尋日提起舊年嘅反修例示威，批評政府喺事件上嘅處理手法，以及同市民嘅溝通方式係完全失敗，又指政府公關輸咗，絕對係教訓咁話。之不過，陳既然係行會成員，到底當時有冇進諫呢？定係陳暗示自己同樣誤判形勢，叫唔停政府呢？按「集體負責制」呢個原則，政府決策失誤，一眾行會成員亦難辭其咎，陳依家力數政府當時嘅不是，就好似局外人一樣「食花生」，置身事外講風涼話咁囉。