政情：郭家麒想傾12人蛇事件 何君堯：點解唔親自營救

郭家麒話該事件發展至今出現不少疑點，包括飛行服務隊曾派出直升機同定翼機作出唔尋常嘅監視，又指十二人在內地未能得到應有的權利，現時情況不明不白，要求政府解釋情況。

建制指咎由自取 毋須討論

多名建制派議員都認為，十二人於反修例示威活動中干犯多項罪行，其後更棄保潛逃。又指佢哋反對修例，令內地同本港未能進行司法互助，現時係自投羅網。其中議員何君堯指，十二港人並非由港府拘捕，又指港府不能干預其他地方嘅司法獨立，應留待當事人喺內地服刑完畢再回港審訊，更反問廿一名民主派議員為何不親自到內地營救。

議員黃國健就指，十二人為逃避法律責任而非法闖入內地水域，事實沒有討論空間，更諷刺佢哋因反修例而犯法，現時就變成自動送中兼送埋水腳。黃又話十二人反對修例，結果港府撤回，現時欠缺法理基礎，未能協調回港，反建議泛民議員強烈要求政府恢復審議修例。泛民議員則批評建制派道德上身。而郭家麒所提嘅休會辯論，最終三十九票反對、十六票贊成下遭否決。