天降飛窗擊中兩車 嚇煞途人
【本報訊】政府不時提醒市民要定期驗窗，否則分分鐘造成人命傷亡。有網民上傳一段車Cam片，片中直擊一個鋁窗從天飛墮而下，先後砸中私家車及貨車，事發時私家車司機仍在車內，經歷這驚險一刻。
網民Chun Lok在Facebook群組「馬路的事討論區」分享一段車Cam片，現場是旺角快富街，事發於昨日中午約一時半。片段開始，一架七人私家車停在路邊，其左邊行車線剛有一架貨車駛至停下，突然一個鋁窗從天而降，先砸中私家車車頂，再反彈撞向貨車車身，行人聽聞巨響，亦抱頭走避。事後貨車司機開窗探頭察看，在車內的私家車司機亦落車，檢查車身損毀情況，影片亦在此完結。
網民指戶主需負刑責
從貼主上載另一張照片可見，該窗框跌在私家車旁，玻璃碎片散落一地，由於貨車並無損毀，事後亦離開現場。不少網民指鋁窗沒砸中人總算「不幸中的大幸」，「好彩唔係中人」。亦有人擔心私家車的「傷勢」，「天窗都爆開」。另有網民指鋁窗戶主要負刑責，「個業主今次大鑊啦！跌窗落嚟係刑事，分分鐘監都有得坐」。