立法會選舉因疫情而押後，議會延任不少於一年雖惹起爭議，不過議員一旦接受延任，就有責任出席會議。工黨議員張超雄尋日趁住立法會會議期間，大呻《基本法》訂明立法會每一屆嘅任期為四年，因此延任係違法違憲，又指自己此刻置身會議廳係迫不得已咁話。其實張超雄唔需要講到咁委屈吖，若然質疑議會嘅合法性，又何苦要戀棧延任嘅議席呢？所以主席梁君彥都睇唔過眼，話佢既然覺得唔合法，咁就不如離開啦！
