探射燈：分開砧板處理食材 防交叉感染
早前內地北京市場有切割進口三文魚的砧板被檢測出新冠肺炎病毒，敲響砧板衞生的警號。經常使用的砧板，若不徹底清潔，隨時變成細菌溫床，潮濕環境更會導致砧板發霉發黑，去年內地有一對夫婦便因長年使用發霉砧板及進食發霉食物，而患上肝癌。有專家提醒市民不同食物要分開砧板處理，一旦發霉便應馬上替換。
砧板倘發霉發黑即換新
「唔同嘅砧板有唔同嘅清潔方法。」萬記砧板第三代負責人歐家亮指膠砧板可用化學方法清潔，如漂白水、洗潔精等，但切忌同時使用；木砧板則要用物理方法清潔，平常使用熱水清洗，並可按需要使用檸檬、白醋或粗鹽，「同埋只可以用海綿抹，唔好用百潔布或鮑魚刷，因為會刷出坑紋，啲坑紋會藏污，導致更容易發霉。」
歐建議市民處理不同食材時應使用不同砧板，並分開處理生熟食物避免交叉感染，如用膠砧板切水果、木砧板切肉等。若發現砧板出現發霉發黑情況，應該馬上更換新砧板，「如果真係唔想換，都可以試吓搵沙紙磨一磨、刮一刮，但如果啲菌蝕得好深就真係要更換。」
