就今年年初有醫管局員工參與罷工行動，早前醫管局向有關員工發出信件要求提交缺勤理由。其實社會上一早就有聲音認為，醫護人員擅離職守等如罔顧病人安危，要求醫管局追究責任，況且任何機構都唔可以冇規冇矩。但尋日又有政府專家顧問指社會分裂情況極嚴重，話香港過去嘅成功，全賴大家嘅努力同埋以寬容之心對待他人咁話。無論從嚴還是從寬，兩種意見都有其道理，到底要點樣處理先至係恰當嘅解決方案呢？醫管局主席范鴻齡真係要戙高床板諗清楚呀！
