近日本地不明來源嘅確診個案上升，亦有學生家長同有酒店餐廳樓面「中招」，令人擔心提早爆發第四波疫情，但政府嘅防疫措施就不停甩漏，例如派對房需要遵守禁聚令，但酒店變招推出「staycation」，房間唔受人數限制，咁多人出出入入，好容易變成播毒溫床，但食物及衞生局局長陳肇始只係話酒店房人多唔理想，完全冇提任何規管，唔通又後知後覺，等酒店爆疫先肯堵塞漏洞？
