政情：陳志全立會水牌遭移除

第六屆立法會議員繼續履行職務不少於一年，但泛民主派喺接受延任與否問題上出現分歧，由於三位前議員陳志全、朱凱廸、陳淑莊都喺上月分別宣布拒絕接受延任「劈炮唔撈」，立法會秘書處於是喺上周四派員用黑色膠條遮蓋指示牌上嘅「水牌」資料。

陳志全喺社交平台上載圖片，見到佢喺立法會嘅「水牌」已被移除。而陳亦喺社交平台話「揭開新的一頁，投入新的工作！」陳本身嘅辦公室喺十樓，同一樓層仲有熱血公民議員鄭松泰同四位工聯會議員。有網民留言話「癡癡呆呆坐埋一枱」，唔知暗示緊邊位議員；亦都有網民叫陳志全加油，同埋祝佢工作順利。

其實陳志全早前表示，對辭任冇乜嘢情緒，將來有選舉都會積極參與。佢嘅言論令唔少人覺得陳係「以退為進」，離開議會係為咗爭取激進派支持，同時喺議會外為下次選舉鋪路咋！