長期民望低迷「墊司底」嘅律政司司長鄭若驊，上任以來經常「應告唔告」，譬如今年年初喺深井發生嘅掟動物落街案，律政司對涉事疑兇不予起訴，惹來全城嘩然。愛護動物協會主席關家穎尋日就提到，話防止虐待動物法例嘅檢控門檻過高，同時又欠缺了解動物法律嘅專家支援，搞到部分案件處理唔到。其實現行動物權益法例真係有漏洞的話，作為律政司司長嘅鄭若驊應該想辦法解決，而唔係愛理不理囉！再咁繼續落去，可以話鄭若驊一日坐呢個位，想為受虐動物討回公道，真係無咩可能囉！
