商務及經濟發展局局長邱騰華，早前指港府曾去信十一個國家，表達同對方建立旅遊氣泡嘅意願，仲話得到好多國家嘅回應添。然而事隔差唔多一個月，仍未見有進一步消息。香港外遊旅行團代理商協會主席蘇子楊就話，港人外遊意欲強烈，政府應該先解決香港同內地及澳門之間嘅通關安排，然後先至同其他地區建立旅遊氣泡。蘇主席呢番話真係刺中要害喇！既然香港同內地及澳門距離咁近，都未能落實旅遊氣泡，港府又何以說服其他國家呢？難怪旅遊業界都擔心，旅遊氣泡最終係一場「泡沫」喇！
