政情：港人思想變偏激 陳健波：智能科技影響

籲勿講政治 免傷友情親情

波哥就分析話，依家啲人思想變得偏激，其實係受智能科技潛移默化嘅影響。不過現時社會上愈來愈多人明白，無論政治上係咩顏色，其實大家都係香港人。波哥講到，大家都想香港好，只係用嘅方法不同，自然結果唔一樣，但講到尾，始終都要大部分香港人團結，香港先有機會恢復以前嘅好日子。

佢慨嘆因政見不同而搞到關係轉差，覺得太無謂亦太可惜，佢又指好多研究分析指出，手機社交媒體嘅設計，程式會按大家睇開同聲同氣嘅訊息，自動不斷供應同類資訊，結果就困喺「同音牆」內。佢呼籲大家試吓從家人朋友開始，唔講政治，以免犧牲多年友情同親情咁話。