中環出更：區會泛政治化 徐英偉：市民心中有數

話說節目一開始，兩位都不停互捧、有講有笑。但後面Vincent講到好多泛民主派區議員成日因為市民政見不一，就選擇唔服務部分市民，仲批評區議會泛政治化，話民政局有責任，仲問Caspar點解決。而Caspar就話其實市民都會知道，亦會睇到該區活動是否合適、有否倒退，強調市民心中有數。而Vincent唔知係咪忍唔到口，就話心中有數都需要投訴渠道，話市民其實可以聯絡當區區議會秘書處，或者民政事務處喎。

三無大廈衞生差 答「人人有責」

另外，Vincent仲投訴，話好多三無大廈清潔衞生都出現問題，希望民政局跟進。但Caspar就只係避談，話大廈管理需要大家一齊推動，明白政府部門會聽到大家意見，同埋居住環境人人有責囉。局長答咗好似冇答咁，真係唔知好嬲定好笑呀！

至於政府成日被市民狠批離地。而Caspar就話覺得自己離地嘅時候，會多啲落地行吓，希望盲點少啲喎。咁睇嚟佢都真係需要抽多啲時間，落區了解民情，多啲同業界及市民溝通囉！