中環出更：明日大嶼質詢「被消失」 區議員斥有膽用千億公帑冇膽面對

指計劃影響區內交通

鑑於立法會延任一年，預料政府會耗用五億五千萬元「明日大嶼」前期工程研究撥款申請提交財務委員會審議。灣仔區議員楊雪盈直指「明日大嶼」計劃涉及興建連接港島的鐵路同道路，憂慮對區內規劃同交通造成嚴重影響，包括帶嚟額外車流、令區內商廈嘅需求下降等。

灣仔區議會發展、規劃及交通委員會將於本周二開會，而楊向該委員提出七條有關問題，並已獲委員會主席批准，但指民政處並冇按委員會主席嘅指示，喺會議四日前將書面問題列入議程，形容係「消失的文件」。

楊批評處方唔顧及居民福祉，為封殺而封殺，阻止議員質詢係毫無法理依據，認為處方並冇履行《區議會條例》嘅職責，而有關官員有膽動用千億公帑，但就冇膽面對議員質詢，佢話一定會追究到底。

本報就事件向民政事務處查詢，但暫時未獲回覆。

卓妮