政府向來都傾向填海以解決土地問題，其實香港仲有土地未被善用，譬如佔地達六十公頃嘅竹篙灣迪士尼第二期土地，過去閒置咗十年，依家先至藉住認購權屆滿而收回。本來唔少人期望呢塊土地能有助建屋發展，但政府偏偏就唔願解除地契同高度限制，導致建屋發展困難重重。儘管多年前就有議員指出該地皮有助紓緩緊張嘅住屋需求，不過政府仍然一意孤行，寧願花六千億元倒錢填海搞「明日大嶼」，箇中原因，可能就只得發展局局長黃偉綸等少數官員先至知喇！
