全民檢測快將一星期，但到尋日都係得約一百萬名市民登記，同政府官員早前預料有約五百萬名市民參與，條數有好大距離。市民反應咁冷淡，公務員事務局局長聶德權唔知係「捉字蝨」定扮「失憶」，話政府從來冇講過「目標」係五百萬名市民，只係愈多愈好。雖然施展語言「偽術」，政府可以挽回些少面子，不過十幾間檢測中心因使用量低而需由今日起關閉，就掩蓋唔到今次檢測計劃失敗嘅事實。
