政情：方奕展接任家校會主席
政府一向都有不成文嘅「六六原則」，即唔可以出任某公職超過六年或同時擔任超過六項公職，所以唔少社會人士擔任公職六年左右都要離開喇！尋日教育局就宣布，委任家庭與學校合作事宜委員會（家校會）委員方奕展出任主席，接替現任主席湯修齊，任期由今日生效，為期兩年。
方奕展除咗出任家校會成員，依家亦係教師及校長專業發展委員會委員。湯修齊自二○一四年九月起出任家校會主席，其後一直獲政府再度委任，直到依家做咗六年。除家校會外，湯修齊亦是香港道教聯合會學務部主任。
湯修齊料繼續做大義工
雖然會離任主席，不過佢似乎會繼續關注教育事務，事關佢話嚟緊會繼續喺教育界做「大義工」喎。
教育局亦另外委任三名新委員，包括張溢明、梁煒泰同埋邱少雄，現任委員黃瑞菊就獲再度委任，四人任期同為兩年。