政情：公民講場：清貧童冇電腦開學 楊潤雄咪再推託

受新冠肺炎疫情影響，唔少學校都改用視像會議嚟上堂，不過正因為咁先發現，原來唔少貧窮家庭負擔唔起買電腦、搞寬頻上網等設備。面對咁嘅情況，其實有議員已經炮轟教育局齋講一句「停課不停學」就當做咗，根本冇理清貧學童屋企有冇寬頻，又或者能否負擔上網費用嘅問題。同時社區組織協會亦曾去信教育局求助，不過教育局就卸責，話由「關愛基金」負責，點知因為申請門檻極高搞到受惠家庭相當有限。雖然新學年就嚟開始，不過疫情都持續咗大半年，咁都搞唔好，教育局局長楊潤雄咪再卸責喇！