政情：公民講場：公院醫護士氣低 范鴻齡要諗諗計

喺抗疫嘅緊要關頭，醫護人員嘅士氣至關重要。不過香港公共醫療醫生協會就擔心，喺市道蕭條之下，政府可能凍結或減少對醫管局嘅撥款，憂慮十幾年前沙士襲港之後，醫管局精簡人手嘅肥雞餐會捲土重來，況且亦有部分曾參與罷工嘅醫護人員可能遭到秋後算帳，高層多個月來嘅言論已對佢哋造成重大心理壓力。雖然醫管局主席范鴻齡，強調董事局近來都有同前線同事保持溝通，但要穩住公營醫護人員嘅軍心，真係要盡快公布處理方案先至得喇。