政情：公民講場：健身唔得 美容就准 店舖重開標準何在

鑑於疫情有放緩迹象，政府日前宣布由周五起，放寬部分限聚措施，又容許戲院、美容院等室內場所重開，不過健身中心就例外。政府呢個決定隨即惹來運動業界嘅批評，指限聚措施已經令到幾十間拳館及健身中心，因無收入而被迫結業，就算幸存亦陷於水深火熱。又質疑政府如何釐定放寬標準，話唔明白同樣都係室內進行，點解美容院可以恢復營業，健身中心就唔可以呢？睇嚟食物及衞生局局長陳肇始，真係要諗辦法解釋吓喇。