兩年前超強颱風山竹襲港，逾六萬宗塌樹個案，揭發政府種樹嘅方法錯晒，事後檢討推出一堆措施，但最關鍵嘅問題未解決。舊年度只有逾五百名合資格嘅樹木管理人員，每人要管三千二百棵樹，試問點顧得掂。發展局局長黃偉綸話透過見習生計劃，兼且有在職培訓，預計每年約一百名年輕人加入。講到個數字好大咁，但點都追唔到實際需要，亦令人質疑有幾多人會選擇加入政府？究竟局長瞓醒未呀？
