政情：公民講場：「有港康碼先准堂食」 何栢良指非防疫良策

疫情導致百業蕭條，近日坊間就有聲音要求推出「港版健康碼」（港康碼），畀持有陰性檢測結果人士如常出入食肆或健身室之類嘅場所。不過，港大感染及傳染病中心總監何栢良就潑冷水，認為呢個做法只屬經濟安排，而非防疫措施，更唔係好嘅「解封策略」，仲可能出現有錢人自費做多幾次檢測嘅唔公平情況添。何又突破盲點，主張為新入院病人醫護、安老及殘疾院舍職員每周進行一次檢測，避免院舍造成群組爆發，同時堵塞邊境漏洞。只要斬斷社區傳播鏈，咁到時就有條件放寬防疫措施，唔使用「港康碼」喇。