政情：公民講場：外傭宿舍太擠迫 勞處懶理恐爆疫

新加坡嘅新冠肺炎患者數以萬計，好多確診個案都係來自擠迫嘅外勞宿舍。同新加坡一樣寸金尺土嘅香港，外傭中轉宿舍嘅居住空間亦往往非常狹窄，三百幾呎嘅面積隨時可以住上廿人，咁擠迫嘅環境就算衞生狀況良好且做足檢疫工作，但只要一人中招就有機會爆發集體感染，關注外傭權益嘅組織就要求勞工處盡快就外傭宿舍訂立指引，包括人均面積及洗手間等。勞工處處長陳嘉信若果忽視外傭嘅訴求，香港嘅染疫人數直逼新加坡，都唔係冇可能(口架)。