憂疫下長者問題陸續浮現
林正財尋日喺一個網上論壇中指出，目前正值大家都設法防止染疫嘅時刻，仍不時可見醫院藥房有幾百位老人家迫埋一齊，望住個螢幕嚟輪候派藥，佢認為可以透過科技嘅應用，而避免出現上述嘅現象。
林正財話唔好以為老人家年紀大，就對科技抱持可有可無嘅態度，其實新一代嘅長者對科技嘅接受程度好高，況且現今嘅科技產品，其用戶介面嘅設計頗為出色，可以同以好多服務銜接。不過林正財又話，要無論社福界同醫療界如何努力，若果欠缺商界嘅積極配合，高科技產品喺銀髮族中嘅滲透率就會相當有限。佢又關注到疫情顛覆長者嘅生活習慣同社交圈子，好多上門服務都無法如常進行，擔心長者問題會陸續浮現。