新型冠狀病毒疫情持續，不少人可能擔心自己或家人受到感染和工作不穩定，出現不同程度的不安、焦慮和精神壓力徵狀。
阿健︰「嘩！你一袋二袋買咁多嘢！」
阿康︰「冇計啦，諗住買定多幾日餸，啱啱見到隔離藥房啲口罩同消毒濕紙巾返貨，咪入去掃貨囉。屋企有老有嫩，大人搵食又要四圍撲，我晚晚都擔心到瞓唔着，有時連飯都無胃口食！等陣返屋企仲有大把清潔消毒功夫要做，一個二個千祈唔好中招！」
阿健︰「提高警覺，做足預防措施係好事，但都唔使過分擔心！」
阿康︰「我都想放鬆吓玩吓電話，但一開電話啲消息就係咁彈出嚟，呢排仲有咁多新增確診個案，唉！」
阿健︰「我睇你已經有啲負面情緒同壓力反應！面對疫症的挑戰，我哋更加需要正能量，保持良好嘅心理狀況，先可以從容應對。」
愛護自己：保持均衡飲食、適當運動、充足的睡眠和休息、放鬆心情都可增強身體的免疫能力，持續對抗疫情。
二 建立正面思維：採取預防措施保障自己、親友和其他人，保持樂觀思想，留意疫情發展和作理性分析，多留意正面消息。
三 多分享：與朋友家人保持聯繫，互相分享生活點滴。嘗試接納幫助，多欣賞別人，亦可幫助他人，分享物資。
四 活在當下：留意珍惜身邊美好事物，記低每天發生在身邊的好人好事；與其憂慮不斷，不如選擇正面面對挑戰，和朋友互相打氣支持。
五 充實生活：善用時間多做運動，看書和電影或享受其他個人興趣，以放鬆身心。若情緒困擾持續逾兩星期，則需主動尋求專業人士協助！
職業安全健康局
www.oshc.org.hk