政情：公民講場：街市爆疫鼠為禍 食環敷衍人之過

疫情持續喺社區擴散，近日更蔓延至食環署轄下嘅街市，而專家就指街市內嘅老鼠可能就係播毒嘅途徑之一。其實鼠患亦可傳播大鼠戊型肝炎，威脅市民健康，然而食物及環境衞生署向來滅鼠不力，不但動用新科技滅鼠成效不彰，就算採取放置鼠餌呢種咁傳統嘅手法，亦都馬虎放置以致藥效快速消退，根本無法滅鼠。食環署署長劉利群若果繼續容許滅鼠工作草率了事的話，本港隨時會被大鼠戊型肝炎同新冠肺炎雙重夾擊，淪為「疫城」咁就唔知點收科嘞。