政情：林鄭海報貼通街 同相學妹無打格 涉侵私隱

家長憂慮 向部門投訴

尋日荃灣港鐵站對出行人天橋，出現多張特首林鄭月娥同其母校嘉諾撒聖方濟各書院一班小師妹嘅合照，逾廿位小師妹面容未打格，印有「明白你…在乎你，我哋一齊昂然踏着前路去」等支持字句。

講番轉頭，林鄭月娥喺二○一七年以候任行政長官身份返母校探望師生，佢講到當選為下任特首嘅歷史性時刻，希望返母校多謝學校對佢嘅栽培。林鄭喺期間仲同小師妹傾談，分享學習心得，對年輕人嘅期望，以及點樣處理唔同嘅社會問題，亦都喺嗰陣影咗合照。

全港多區近日都被貼上該合照，消息話有家長因女兒樣貌未「打格」就遭公開而感不滿，並向有關部門投訴。唔知家長係咪驚咗個女同特首扯上關係呢？始終特首民意屢創新低。