政情：公民講場：漠視民怨 疫境照引外援 圖搶市民飯碗

舊年嘅社會運動同今年嘅疫情，唔少打工仔不幸加入失業大軍。正當社會討論點樣保就業，有消息指勞工處接獲百幾宗輸入外勞嘅新申請，並已交由勞工顧問委員會（勞顧會）審批添。雖然建議輸入嘅外勞人數不足四百，部分工種如農場技工，的確較少港人應聘。但鑑於現時失業率高企，輸入外勞肯定會令到日漸萎縮嘅職場，雪上加霜。勞工處處長陳嘉信唔想畀勞工團體狠批離地的話，就應考慮吓勞顧會勞方代表嘅意見，暫緩輸入外勞喇。