中環出更：提供名單予外媒 串錯英文 羅冠聰遭鄭錦滿寸爆
話說流亡英國嘅前議員羅冠聰自詡肩負「國際戰線」嘅重責，前日喺網絡列出十二位遭政府取消參選資格（DQ）嘅參選人名單當中，有一個好陌生嘅名字Alvin Cheng，當大家估吓佢係邊個之時，綽號「四眼哥哥」嘅熱血公民鄭錦滿，就話呢個名其實係指佢自己，又嘲笑羅冠聰串錯自己嘅英文姓氏，就連名都搞錯！
鄭指恥與楊岳橋同英文名
鄭錦滿喺社交網站寸爆羅冠聰，話「鄭」呢個姓氏嘅粵語英文拼音應該係「Cheung」，羅冠聰明顯串漏咗一個字母。至於「Alvin」呢個英文名，鄭錦滿話自己唔會用，全因唔想同公民黨楊岳橋撞英文名，恥與為伍咁話。佢又話衷心希望負責「國際戰線」嘅「手足」，要做好資料搜集，連「剪下」、「貼上」咁簡單嘅電腦操作步驟，提供畀外媒嘅名單都錯的話，確實好難令外國勢力成功制裁到人囉。
卓妮