利用網上教學，停課期間仍可維持教學進度，不過基層學童就可能例外。有團體調查發現，唔少基層學童家庭欠缺電腦設備；而就算有電腦，若欠缺寬頻上網的話，亦都得物無所用。喺疫情嘅陰影下，嚟緊嘅新學年仍然有停課嘅機會，教育局局長楊潤雄如果唔盡快解決清貧學生購買電腦同上網嘅問題，基層學童一旦要用到網上教學，就可能要缺席喇。
