政情：政總西翼玻璃幕牆 換成鋁面
反修例風波期間，金鐘政府總部一帶多次爆發警民衝突，有示威者仲向大樓投擲汽油彈同埋雜物。政府總部西翼近日展開改善工程，拆走部分外牆嘅玻璃幕牆，改為安裝鋁質飾面。點解有咁嘅改動？政府解釋話相關工程旨在加強對政府設施嘅保護喎。
附近屢爆衝突 現僅開放予高官出入
現時政府總部西翼外牆已搭起棚架並以白布遮蓋，亦有工人進行外牆嘅改建工程。政府總部西翼毗鄰夏慤道同添華道，因附近一帶多次發生警民衝突，政府其後封閉一段添華道，依家政府總部西翼淨係開放畀政府高官嘅專車出入。政府官員唔單止會利用政府總部西翼地下見傳媒，西翼同時設有多個政府部門，包括政務司司長辦公室、財政司司長辦公室，同埋多個政策局嘅辦公室。
行政署回應本報查詢，話有關工程係為咗政府總部西翼嘅外牆進行維修同改善工程，其中部分玻璃幕牆將會換成鋁質飾面，以加強保護政府設施。