擔任進出口界議員長達十六年嘅黃定光(象哥),不時畀傳媒影到佢喺會議期間瞌眼瞓。象哥解釋自己之所以咁容易遭到睡魔急Call,皆因有啲議員發言好沉悶,令人煩厭,又認為自己冇大差錯,畀人挑剔小毛病在所難免喎。象哥呢個講法若然成立的話,咁學生哥又可唔可以話老師講課沉悶,繼而大條道理咁喺課堂瞌眼瞓呢?雖然象哥嘅議員生涯即將完結,但係都要為後生一輩留個好榜樣至得o架。