本港疫情日趨嚴峻，社會早就有唔少聲音指出，豁免強制檢疫安排會帶來檢疫大漏洞，例如機組人員、約萬名貨船船員等，但政府就一於懶理，仲否認豁免人士係新一波疫情嘅源頭，強調係誤解喎。港大感染及傳染病中心總監何栢良鬧爆政府，話唔少船員都係來自菲律賓及印度等高危地方，但竟然豁免檢疫，做法好似無掩雞籠，話有常識都知會出事。不過，單睇政府早前規定食肆堂食時間嘅「禁夜唔禁午」措施，就知道係亂咁嚟，睇嚟政府首先要堵塞咗個庸官漏洞至得。
