政情：龐建貽獲任海洋公園副主席
政府宣布委任龐建貽為海洋公園公司董事局副主席，任期由今年七月二十四日起至明年六月三十日止，龐建貽係「鋼鐵大王」龐鼎元孫兒、大亞國際集團創辦人兼董事總經理、新世界主席鄭家純嘅女婿，而其妻子係新世界發展執行董事鄭志雯。
鄭家純女婿 任期約一年
商務及經濟發展局發言人表示，龐自二○一九年加入海洋公園公司董事局，擁有豐富嘅商界經驗，對海洋公園嘅發展充滿熱誠，係擔任新副主席最佳人選。
海洋公園出現財困，上月初才獲立法會通過撥款逾五十四億元救亡，其中三十一億元先用作償還貸款，剩下款項僅夠樂園營運一年，即由今年七月一日至明年六月三十日。呢個「燙手山芋」，唔知龐可唔可以勝任呢？