政情：政府大開綠燈 楊寶蓮轉任機構項目總監
早前政府大換血，包括財經事務及庫務局局長易帥，而政治助理楊寶蓮都決定辭職，佢嚟緊會轉行做亞洲企業領袖協會嘅項目總監，政府認為唔會構成利益衝突，大開綠燈。
認為不構成利益衝突
時任財庫局局長劉怡翔落台冇得撈，政助楊寶蓮亦跟住「老細」唔撈。政府尋日公布楊寶蓮本月廿七日會轉至亞洲企業領袖協會出任項目總監，而有關諮商委員會認為新工作唔會構成任何潛在嘅利益衝突，亦唔預期會引起公眾負面觀感。諮商委員會話楊寶蓮喺離開政府嘅一年內，唔可以參與有關政府事宜嘅游說工作，亦唔可以代表僱主同財庫局往來等。
楊寶蓮當時辭職話會利用時間先稍作休息，希望「停一停、諗一諗」，跟住再展開事業同人生嘅新一頁。