中環出更：婦女疫境負重任受忽視 陳婉嫻促支援
新冠肺炎疫情持續超過半年，近期仲愈來愈嚴重，雖然政府有措施幫助唔同範疇嘅人士，但無論疫情發展成點，婦女都似乎冇任何援助。眼見負擔愈來愈重，婦女事務委員會主席陳婉嫻（嫻姐）就話，事實上整個抗疫過程中，家庭主婦係重中之重，但偏偏就完全被忽視，話會盡快同政府開會，希望推出支援婦女嘅政策。
轉開網上會議 免礙政策推展
嫻姐話，近期婦女除咗面對就業同經濟困難，仲有好多其他問題，好似來自家庭嘅困難，甚至有啲出現情緒問題等，而且現時抗疫最大嘅主角就係家庭主婦，不但要照顧整個家庭，仲要肩負好多工作，但往往冇人支持。
佢認為政府應該要喺呢方面考慮多啲，要明白照顧者係應該要有援助，狠批政府講咗咁耐都唔願做。嫻姐仲話，佢哋有好多會議都因為疫情停咗落嚟，但為免影響婦女政策嘅推展，近期就轉開網上會議咁話。
卓妮