政情：斥側重工商界 吳秋北：政府欠勞工太多債

促設失業救濟機制

吳秋北話，依家仲有好多勞工政策未能夠落實，例如喺疫情下失業率咁高，就應該要設立失業救濟機制，又提到政府長年都未有處理勞工假期同工時等問題添。佢又批評，政府過去多年過分側重工商界同自由主義，有好多事情都唔敢介入，仲形容好多經濟同勞工問題都係因為咁而出現。

被問到其會友、勞工及福利局副局長何啟明早前加入政府後，係咪有助推動政府落實上述嘅勞工福利政策？吳秋北就話，對政府吸納有勞工背景嘅人入局持肯定態度，但就覺得政府嘅固有思維並非係一、兩個人可以改變到。佢相信，何啟明可以帶更多勞工聲音入政府，但就話何只係副局長、副手，認為要整個勞工界一齊努力先可以爭取得到。