政情：發燒兼肚屙 張美雄爆染疫疑雲
發燒同肚屙都係新冠肺炎嘅病徵，而西貢區議員張美雄就兩樣都有齊，唔通中咗招？
檢測結果呈陰性
依家疫情大爆發，搞到人心惶惶。話說張美雄幾日前喺社交平台貼文，話腸胃炎搞到發高燒，屙到腳軟，仲話會自我隔離抖吓添！咦！真係腸胃炎？佢話好彩醫生話佢冇任何上呼吸道症狀，所以暫時唔擔心中招，但佢話為求穩陣起見，都已交樣本去測試，而喺等結果期間，唔會見任何人。
終於日前檢測結果出咗，係呈陰性，即係冇事喇！佢都大呼好彩，事關喺呢段時間，好驚連累人。咁病好未呢？佢話雖則高燒已退，但仲屙緊喎。