政府死撐咗一個星期，日前終於跪低，畀非緊急服務嘅公務員可在家工作。有公務員團體話咁做唔單止係避免染疫，亦希望政府藉此起帶頭作用，令私人機構跟住做，但原來唔少企業吸取咗年初推行員工在家工作嘅經驗，有機構比政府仲早開始有咁嘅安排，而遙距工作仲較之前順利。嗱！簡直係大大巴咁摑政府，事關再次反映政府做嘢慢幾拍，帶頭反而變咗大落後，究竟公務員事務局局長聶德權係咪發緊夢呀？
