政情：羅冠聰續唱衰香港 叫英國加快制裁港官
喺《港區國安法》實施前，前香港眾志常委羅冠聰已秘密前赴英國倫敦，更多次「唱衰香港」。佢尋日喺社交平台貼文，話日前與英國官員同政要會面，促請英方加快制裁涉侵犯人權嘅香港高官。
與英官員及政要會面
羅冠聰話喺過去一年反修例示威入面，警察嘅行為引起市民不滿同懷疑，佢日前同工黨影子外相Lisa Nandy、影子亞洲事務大臣Stephen Kinnock，同埋執政保守黨嘅亞洲事務大臣Nigel Adams會面，希望促使英方對香港官員同警察使用《馬格尼茨基法案》（Magnistky Act），賦予英國政府「個人制裁的機制，將國外涉及人權侵犯的官員或個人的資產凍結或限制入境」。羅又話因大部分高官同警員喺英國持有物業，相信英方嘅制裁會有一定嘅阻嚇作用。
最後佢仲話希望自己同其他香港人組織嘅倡議工作能夠令高官同警方「求仁得仁」，付出代價，畀國際社會唾棄啦！不過，佢喺咁周圍唱衰香港，睇嚟係搞到自己畀香港人唾棄先囉！