因應愈趨嚴峻嘅疫情，康文署較早前重開嘅場地同設施，又再暫停開放直至另行通告，不過康文署轄下嘅泳灘，假日仍人頭湧湧，港九拯溺員工會就批評康文署封閉措施同宣傳教育未夠全面，反令大批市民前往泳灘玩樂，互相感染嘅機率大增之餘，亦令當值救生員深陷「中招」嘅危機。為保障巿民同當值救生員，康文署署長劉明光應該作出應對措施，呼籲市民為己為人，盡量留喺屋企，否則確診個案再創新高，都唔係冇可能o架。
