為咗應付疫情，衞生署員工嘅工作量難免大增，有關當局就打算喺下個月底進行發放「辛勞津貼」嘅計劃。不過原本負責做個案調查、追蹤工作、熱線中心或後勤工作嘅衞生署員工就冇得攞，反而同樣係處理前述工作，若果係由其他部門或崗位借調過來嘅員工，先至有資格申請。呢個消息一出，梗係好多人話不滿啦，明明大家同樣都係有汗出，但點解對「外援」會特別關照呢？一個鼓勵員工士氣嘅計劃，估唔到落咗喺衞生署署長陳漢儀手上，就變成「士氣殺手」。
