時間就是金錢。因水錶讀數「靠估」，導致唔少住戶嘅水費突然飆升，而水務署方面亦承認，近來包括水費覆核嘅查詢及投訴激增八成。雖然市民認為水費唔合理，可以致電水務署諮詢熱線、客戶諮詢中心或寫信投訴，但無論採用邊種方式去投訴，市民都要付出時間成本o架！反觀公務員就係以當值時間嚟處理投訴，好唔公平囉。今次水務署署長黃仲良闖出嚟嘅禍，自己唔糾正錯誤，仲要市民變相受罰。咁擾民，難怪民憤有增無減。
